ડીસા શહેરના ઢેબર રોડ વિસ્તારમાં કોરોના પોઝીટીવ કેસ નોંધાતા કન્ટેઇનમેન્ટ એરીયા જાહેર કરાયો

ડીસા શહેરના ઢેબર રોડ વિસ્તારમાં કોરોના પોઝીટીવ
કેસ નોંધાતા કન્ટેઇનમેન્ટ એરીયા જાહેર કરાયો

ડીસા શહેરમાં લેખરાજ ચાર રસ્તાથી સોની બજાર થઈ ઢેબર રોડ સુધી જતો રસ્તો, મીરાં મહોલ્લાથી ઢેબર રોડ, વાડીરોડથી ઢેબર રોડ, સદર બજારથી સોની બજાર ઢેબર રોડ અને કુંપટથી સોની બજારમાં આવવાના રસ્તાઓ સંપૂર્ણ બંધ રહેશે

આ જાહેરનામું આજથી તા.૨૫/૦૫/૨૦૨૦ સુધી દિન-૨૧ સુધી અમલમાં રહેશે
(માહિતી બ્યુરો, પાલનપુર)
         હાલમાં નોવેલ કોરોના વાયરસ કોવિડ-૨૦૧૯ને વર્લ્ડ હેલ્થ ઓર્ગનાઈઝેશન દ્વારા વૈશ્વિક મહામારી જાહેર કરેલ છે. ભારતમાં પણ કોવિડ-૨૦૧૯ના વધારે પ્રમાણમાં કેસો નોંધાયેલ છે. જે પરિસ્થિતિને ધ્યાને લેતા આરોગ્ય અને પરિવાર કલ્યાણ વિભાગ ગાંધીનગરના તા.૧૩/૦૩/૨૦૨૦ના જાહેરનામાથી ધી એપેડેમીક ડીસીઝ એકટ ૧૮૯૭ અન્વયે ધ ગુજરાત એપેડમીક ડીસીઝ કોવિડ-૧૯ રેગ્યુલેશન-૨૦૨૦ જાહેર કરેલ છે. ભારત સરકાર તથા ગુજરાત સરકાર દ્વારા સમયાંતરે નોવેલ કોરોના વાયરસનો ફેલાવો અટકાવવા માટે વિવિધ માર્ગદર્શિકા જાહેર કરવામાં આવેલ છે. ગુજરાત સરકારના ગૃહ વિભાગના તા.૧૪/૪/૨૦૨૦ના જાહેરનામા થી સમગ્ર રાજયમાં વધુ ૧૯ દિવસ માટે એટલે કે તા.૧૫/૪/૨૦૨૦ના ૦૦.૦૦ કલાકથી તા.૦૩/૦૫/૨૦૨૦ ના ૨૪.૦૦ કલાક સુધી આવશ્યક સેવાઓ સિવાયની તમામ સેવાઓ બંધ રાખવા જાહેરનામું પ્રસિદ્ધ કરેલ છે. જે બાદ ભારત સરકારના તા.૦૧/૦૫/૨૦૨૦ના આદેશથી લોકડાઉનનો સમયગાળો તા.૦૪/૦૫/૨૦૨૦થી વધુ બે અઠવાડીયા માટે વધારવામાં આવેલ છે. મિશન ડાયરેકટરશ્રી, રાષ્ટ્રીય સ્વાસ્થય મિશન તા.૦૬/૦૪/૨૦૨૦ના પત્ર થી કોરોના પોઝીટીવ કેસ નોંધાયેલા હોય તેવા સુચિત વિસ્તાર નકકી કરવા ગાઈડલાઈન નકકી કરવામાં આવેલ છે. બનાસકાંઠા જિલ્લામાં હાલમાં ડીસા શહેર ઢેબર રોડ વિસ્તારમાંથી કોરોના પોઝીટીવ કેસો પ્રકાશમાં આવેલ છે. આ વાયરસના ઝડપી સંક્રમણને ધ્યાને લેતાં લોકોની સુરક્ષા બાબતે તકેદારી પગલારૂપે લોકોની અવર-જવર ઉપર પ્રતિબંધ ફરમાવવાની જરૂર જણાય છે.
          શ્રી સંદીપ સાગલે, (આઈ.એ.એસ.), જિલ્લા મેજીસ્ટ્રેટશ્રી, બનાસકાંઠા, પાલનપુરને ગુજરાત નેશનલ ડીઝાસ્ટર મેનેજમેન્ટ એકટની કલમ-૩૦ તથા કલમ-૩૪ તેમજ ધી એપેડમીક ડીસીઝ એકટ ૧૮૯૭ ની કલમ–૨ અન્વયે મળેલ સત્તાની રૂએ નીચે દર્શાવેલ નિર્દેશોનું પાલન કરવા ફરમાવાયું છે. નીચે જણાવેલ વિરતારને કોવિડ-૧૯ કન્ટેઇમેન્ટ એરીયા તરીકે જાહેર કરવામાં આવે છે.
-ડીસા શહેર વોર્ડ નં. ૦૮ના ઢેબર રોડનો સમગ્ર વિસ્તાર. આ વિસ્તારમાં તમામ પ્રકારની અવર-જવર ઉપર સંપુર્ણ પ્રતિબંધ મુકવામાં આવે છે. આ વિસ્તારના રહેવાસીઓને રાશને વિ. આવશ્યક ચીજ–વસ્તુઓ તંત્ર દ્વારા હોમડીલીવરીથી તેમના ઘરે પુરી પાડવામાં આવશે.
ડીસા શહેર, તા.ડીસા, જિ.બનાસકાંઠાના શહેરી વિસ્તારના નીચે મુજબના રસ્તાઓ સંપુર્ણ પણે બંધ રહેશે.
(૧) લેખરાજ ચાર રસ્તાથી સોની બજાર થઈ ઢેબર રોડ સુધી જતો રસ્તો.
(૨) મીરાં મહોલ્લાથી ઢેબર રોડ સુધીનો રસ્તો.
(૩) વાડીરોડથી ઢેબરરોડ સુધીનો રસ્તો.
(૪) સદર બજારથી સોની બજાર ઢેબર રોડ સુધીનો રસ્તો.
(૫) કુંપટ થી સોની બજારમાં આવવાનો સીધો રસ્તો.
        આ વિસ્તારમાંના રહીશો માટે આવશ્યક સેવાઓના પુરવઠા સંબંધિત અવર-જવર માટે માત્ર એક જ માર્ગ ખુલ્લો રાખવાનો રહેશે. આવશ્યક ચીજ વસ્તુની ખરીદી માટે હદની અંદર માત્ર સવારે ૮-૦૦ કલાક થી ૧૧.૦૦ કલાક સુધી મુકિત આપવામાં આવે છે. જેમાં સોશ્યલ ડિસ્ટન્સીંગનું ચુસ્તપણે પાલન કરવાનું રહેશે. આ સમગ્ર વિસ્તારમાં મેડીકલ ઈમરજન્સી સિવાય કોઈએ અવર-જવર કરવી નહી.
ઉકત જણાવેલ વિસ્તાર માટે નીચે મુજબનો અપવાદ લાગુ પડશે.
(૧) સરકારી ફરજ ઉપરની વ્યકિતઓ તથા તેના વાહનો (સરકારી અને ખાનગી સહિત)
(૨) આ વિસ્તારમાંથી પસાર થતાં તમામ માલવાહક વાહનો.
(૩) આવશ્યક ચીજવસ્તુનું વેચાણ/વિતરણ કરતાં તંત્ર દ્વારા આપવામાં આવેલ પાસધારકો.
આ જાહેરનામું તા.૦૫/૦૫/૨૦૨૦ થી તા.૨૫/૦૫/૨૦૨૦ સુધી દિન-૨૧ સુધી અમલમાં રહેશે.
          આ હુકમ અન્વયે બનાસકાંઠા જિલ્લામાં ફરજ બજાવતા પોલીસ અધિક્ષકશ્રીના દરજજાથી હેડ કોસ્ટાલ સુધીનો હોદ્દો ધરાવનાર તમામ અધિકારીઓને આ જાહેરનામાના ભંગ કરનાર ઈસમો સામે નેશનલ ડીઝાસ્ટર મેનેજમેન્ટ એકટની કલમ ૫૧ થી ૫૮ તથા ભારતીય દંડ સંહિતા સને ૧૮૬૦ ની ક. ૧૮૮ મુજબ ફરીયાદ માંડવા માટે અધિકૃત કરવામાં આવે છે.